26.01.2012.
Aperis la
9-a
kaj 10-a numeroj de "Esperanta ligilo" por 2011
j.
vidu ilin
laux:
Lastan
numeron de "Esperanta ligilo"
16.10.2011.
78-a Internacia Kongreso de Blindaj
Esperantistoj
(unua komuniko)
La 78-a Internacia Kongreso de
Blindaj Esperantistoj okazos la
13-20 de julio 2012 en Ukrainio.
Loko: 20 km norde de Kijivo en
arbaro cxe fresxa aero, kun
nagxbaseno en la ejo. Logxado: en
2-3-litaj komfortaj cxambroj kun
necesejo, lavabo kaj dusxo. La
kongrestemo: "Blinduloj por digna
vivo kaj homaj rajtoj"; subtemo (proponita
de LIBE-komisiono: "Ni kantu kune
kaj parolu pri naciaj kulturoj kaj
Esperanto". Prezoj. Divido laux la
landkategorioj: Kategorio A:
Auxstrio, Belgio, Britio, Danlando,
Finnlando, Francio, Germanio,
Hispanio, Irlando, Italio,
Lihxtensxtejno, Luksemburgio, Monako,
Nederlando, Norvegio, San-Marino,
Svedio, Svislando, Japanio, Usono,
Kanado. Kategorio B: Andoro, Bosnio,
Bulgario, cxehxio, Estonio, Grekio,
Hungario, Kroatio, Latvio, Litovio,
Makedonio, Montenegro, Pollando,
Portugalio, Rumanio, Serbio,
Slovakio, Slovenio. Kategorio C:
cxiuj aliaj landoj (escepte
Ukrainion). Kategorio cx: Ukrainio.
Aligxkotizoj: Por organizaj bezonoj
ni proponas jenajn kotizojn laux la
kategorioj: A- 50 euxroj, B- 40
euxroj, C- 30 euxroj, cx-– 25 euxroj.
Por gejunuloj gxis 21 jaroj ni
proponas rabaton 25 procentoj.
Restado (inkluzivas transporton de
stacidomo aux flughaveno al la
kongresejo, logxadon kaj trifojan
mangxadon, planatas organizo de
bufedo): A- 220 euxroj, B- 175
euxroj, C- 140 euxroj, cx- 1500 hrn.
Ni kune faru nian 78-an fruktodona
kaj neforgesebla! Al vi estas
proponata varia kultura kaj distra
programo. Certe, ne mankos prelegoj
kaj liberaj diskutoj pri
kongrestemoj. Tradicie okazos
cxiumatena E-kurso, kiun gvidos
Natalia Kasymova. Vin atendos
interesaj ludoj, konkursoj, E-butiko,
senmalgajna loterio kaj ankoraux
kelkaj surprizoj. Kompreneble, la
kontribuajxoj de la kongresanoj
estas bonvenaj. Ni kune faru vastan
reklamkampanjon kaj invitu al la
Kongreso ne nur nevidantajn
esperantistojn. La lokoj en la
bazejo suficxos por cxiuj, sed ni
petas lauxeble pli baldaux informi
nin pri via deziro aligxi al la
Kongreso. Cxiu blindulo rajtas mem
decidi, cxu veni kun aux sen
akompananto.
Loka Kongresa Komitato (laux la
alfabeta ordo): Ivanova Natalija,
Lineckij Mikaelo, Muhxamedsxina
Tatjana, Posxivana Olena,
Slovacxevskaja Euxgenija.
Kontakt-adresoj:
lineckij@bigmir.net,
skajpe: m-urso,
amatalena@ukr.net,
skajpe: amatalena.
Brajlajn leterojn bv. skribi al:
Olena Posxivana: Ul. Brativ
Trofimovyhx 22, kv. 226, UA-49068
Dnepropetrovsk, Ukrainio.
Ukrainaj esperantistoj invitas vin!
Ni diru "Jes!" al la 78-a Kongres'!
De la Loka Kongresa Komitato Olena
Posxivana.
